Карта за учество на Државното првенство во Катан 2025

1. Пријавувањето за учеството на турнирот е до 14 февруари единствено со купување на оваа карта
   *доколку има слободни места може да се пријавите и на денот на одржување на самиот турнир
2. На турнирот може да играат само полнолетни играчи (со наполнети 18 години).
3. На турнирот може да учествуваат максимум 64 играчи (првите 64 пријавени со купена карта за учество).
   *потребни се минимум 32 играчи за да се одржи турниот (во случај да има помалку од 32 играчи во замена за картата сите пријавени ќе добијат вредносен ваучер од 500 ден.)
4. При пријавувањето за учество (нарачка на оваа карта) внесете го целосното име и презиме на учесникот кој сакате да биде пријавен за турнирот.
5. Доколку сакате да пријавите некој друг пишете го неговото име во коментар.
6. По самото купување на картата ќе добиете повратен меил кој ќе ви служи како потврда за учество на турнирот.
7. За било какви информации и проблеми кои ги имате при пријавувањето пишете на нашиот меил:
   contact@goblingames.mk

Инфо за турнирот:

1. На турнирот ќе се игра македонската официјална верзија на играта Катан, без експанзии.
2. Секој натпреварувач ќе одигра 3 кола (партии) по кои 16 играчи со најмногу поени ќе се пласираат во полуфинале (бодувањето е според официјални правила кои ќе бидат детално објаснети пред почеток на турнирот). Во полуфиналето 16-те играчи ќе бидат поделени на четири маси по четворица. Полуфиналните партии ќе се играат истовремено, а четворицата победници ќе играат во големото финале.
3. Победникот на турнирот ќе добие авионска карта до Штутгарт, сместување и учество на Светското првенство (4-6 април 2025).
4. Сите учесници и сите други кои ќе дојдат да ги бодрат натпреварувачите ќе добијат код со 20% попуст за својата следна нарачка од GoblinGames.mk направена онлајн до 1 март 2025.
5. За време на турнирот е забрането внесување на пијалоци од надвор.
6. Од сите учесници се очекува да се однесуваат фер и коректно, без непотребно задржување (stalling) и претерано долго „ценкање“, а од посетителите се очекува да не разговараат со натпреварувачите за време на партиите, ниту да ја коментираат партијата што ја гледаат додека таа е во тек.